Сапаны бақылау бойынша зауыттық зертханалар отынның ГОСТ пен Кеден одағының Техникалық регламентіне сәйкестігін кешенді түрде зерттейді. Сәйкестігі расталған жағдайда, әр партияға сапа төлқұжаты беріледі.

Мұнай өнімдері зауыттан мұнай базаларына теміржол көлігімен жөнелтіледі. Әр цистерна бір рет қолданылатын пломбымен пломбыланады және оны тасымалдаушы күзетеді. Жеткізілген отын сақтауға арналған сұйыққоймаларға құйылмас бұрын мұнай базаларының сертификатталған зертханаларында міндетті түрде тексерістен өткізіледі.

Отын мұнай базаларынан АЖҚС-ке автомобиль көлігімен жеткізіледі. Өнім сапасының сақталуына және мөлшеріне кепілдік беру үшін мұнай базасынан шығарылған кезде автоцистернаның әр бөлігі бір рет қолданылатын нөмірлі пломбымен пломбыланады. «Аурика» компаниясының барлық бензовоздары GPS-трекерлермен қамтылған, бұл отын тасымалдануын жол бойы қашықтан бақылауға мүмкіндік береді.

АЖҚС-ке жеткізілген отын қабылдау-тапсыру тексерісінен өтеді. Бензовоздан АЖҚС-тың жерасты резервуарына құймас бұрын отында механикалық қоспалар мен су жоқтығы тексеріледі. Бұл параметрлерді бақылау мұнай өнімдеріне бөгде заттардың түсуіне және олардың араласып кетуіне жол бермейді.

"Аурика" компаниясының әр АЖҚС-ындағы отын тарату колонкаларының отын құю деңгейі мен сапасы мобильді зертханалар арқылы ай сайын кенеттен тексеріледі. Параметрлердің нормативтен кез келген ауытқуы анықталған жағдайда, отын өткізу дереу тоқтатылады.